Су ресурстары және ирригация министрлігі Түркияның су ресурстарын басқару саласындағы жетекші ғылыми ұйымдарымен ынтымақтастық орнатуға ниетті

Су ресурстары және ирригация министрі Нұржан Нұржігітов Эгей университетінің (Түркия) доценті Мұрат Кылычпен кездесіп, тәжірибе алмасу және ынтымақтастықтың басқа да бағыттарын талқылады.

Мұрат Кылыч Түркияда су ресурстары, оның ішінде су пайдаланушылар кооперативтері арқылы қалай басқарылатыны жайында айтып берді. Өз кезегінде Нұржан Нұржігітов Эгей университетінің өкілдеріне тәжірибе алмасу және маман даярлау бойынша бірлескен пилоттық жобаны іске асыруды ұсынды.

«Біздің ынтымақтастығымыз табысты болатынына сенімдімін. Эгей университетінің Қазақ су шаруашылығы ғылыми-зерттеу институтымен және жаңадан ашылған Қазақ ұлттық су шаруашылығы және ирригация университетімен бірлескен жұмысы үлкен нәтиже әкелуі мүмкін», - деді Су ресурстары және ирригация министрі Нұржан Нұржігітов.

Сондай-ақ, тараптар ҚР Су ресурстары және ирригация министрлігі мен Түркия орман және ауыл шаруашылығы министрлігінің Су шаруашылығы бас басқармасы арасында ынтымақтастық туралы меморандум әзірлеп, қол қою жөнінде сөйлесті.

• 21.10.2024
• 89