ҚДБ және ӨДҚ қызметкерлері Республика күніне орай мемлекеттік наградаларға ие болды

Республика күні қарсаңында «Қазақстанның Даму Банкі» АҚ және «Өнеркәсіпті дамыту қоры» АҚ қызметкерлері «Құрмет» орденімен және «Ерен еңбегі үшін» медалімен марапатталды.

ҚР Президентінің Жарлығымен «Құрмет» орденімен ҚДБ Басқарма төрағасының орынбасары Ботагөз Әбішева наградталды.

Ботагөз Әбішеваның қаржы саласында 26 жылдық тәжірибесі бар. Инвесторлармен жұмыс және ҚДБ-ға маңызды қарыз алу мәмілелерін тарту бойынша жұмыстар оның тікелей қатысуымен жүргізілді. Б.Әбішева Банктің қаржылық тұрақтылығын нығайтуға және оның халықаралық аренадағы тиімділігін одан әрі арттыра түсуге елеулі үлес қосып келеді.

Мемлекет басшысының Жарлығымен ҚДБ аппаратының басшысы Айжан Мендебаева «Ерен еңбегі үшін» медалімен марапатталды.

Айжан Мендебаеваның қаржы саласында 20 жылдық тәжірибесі бар. Ол инновациялық әдістерді, корпоративтік мәдениеттің жоғары стандарттары мен PR-құралдарын енгізе отырып, банк қызметтерінің қолжетімділігін және банк процестерін автоматтандыру үрдісін арттыру арқылы Банктің озық даму институты ретінде трансформациялануына елеулі үлес қосуда.

Сондай-ақ Мемлекет басшысының Жарлығымен «Ерен еңбегі үшін» медалімен КДҚ Басқарма төрағасының орынбасары Жанар Ибрашева марапатталды. 

Жанар Ибрашеваның еліміздің қаржы-экономикалық саласында 28 жылдық тәжірибесі бар. Жанар Ибрашеваның тікелей қатысуымен ел экономикасына 1,8 триллион теңге инвестиция тартылды.

Айта кетерлігі, «Құрмет» орденімен азаматтар экономиканы, әлеуметтік саланы, ғылым мен мәдениетті, білім беруді дамытудағы сіңірген еңбегі үшін, мемлекеттік органдардағы үлгілі қызметі және белсенді қоғамдық қызметі үшін марапатталады. «Ерен еңбегі үшін» медалі азаматтарға экономикадағы, әлеуметтік саладағы, ғылымдағы, мәдениеттегі және мемлекеттік қызметтегі еңбек жетістіктері үшін беріледі.

• 24.10.2024
• 98