Қымбатты отандастар!

Баршаңызды 25 қазан – Республика күнімен шын жүректен құттықтаймын!
1990 жылы заманауи Қазақстанның жылнамасында маңызды оқиға орын алды – еліміздің егемендігі туралы декларация қабылданды. Тарихи құжат мемлекеттігімізді айшықтап, тәуелсіздікке жол ашты. Егемендік декларациясы құқықтық мәртебемізді арттырып, республикамызды зайырлы ел ретінде күллі әлемге танытты.
Біз шежіресі бай, тамыры терең халықпыз. Қазақстан – Ұлы дала өркениетінің мирасқоры. Бұл елдігіміздің мейрамы, отаншыл рухымыз бекемделіп, озық құндылықтар қалыптасатын қазақстандықтарды біріктерін айрықша күн.
Мемлекет мүддесі ұшталатын ұлық күнде барлығыңызға зор денсаулық, бақ-береке, мол табыс тілеймін!
Егемен еліміз өркендей берсін!
 
Мәди ТАКИЕВ,
ҚР Қаржы министрі

• 25.10.2024
• 36