Қазақстан халқы Ассамблеясының «Жомарт жан» республикалық орталығының отырысы өтті

2024 жылғы 22 қазанда Қазақстан Республикасы Қарулы күштерінің Әскери-тарихи мұражайында Қазақстан халқы Ассамблеясының «Жомарт жан» республикалық орталығының отырысы өтті. Іс-шара ҚХА-ның жыл сайынғы «Қайырымдылық керуені» республикалық форумы аясында республика күні қарсаңында ұйымдастырылды.

Отырысқа Қазақстан халқы Ассамблеясы төрағасының орынбасары – ҚР Президенті Әкімшілігі ҚХА хатшылығының меңгерушісі Марат Әзілханов, ҚР Парламенті Сенатының депутаты және ҚХА «Жомарт жан» республикалық орталығының төрағасы Евгений Больгерт, ҚР Парламент Сенатының депутаты Закиржан Кузиев, ҚР Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин, сондай-ақ мемлекеттік органдардың, этномәдени ұйымдардың өкілдері, ҚХА «Жомарт жан» өңірлік орталықтарының төрағалары мен мүшелері қатысты.

Отырыстың негізгі тақырыбы ҚХА қайырымдылық қызметін үйлестіру және алдағы кезеңге арналған «Жомарт жан» республикалық орталығының жұмыс жоспарын талқылау болды. Қатысушылар ел өңірлері арасындағы қайырымдылық саласындағы өзара іс-қимылды күшейтудің және этносаралық келісім мен бірлікті нығайтуға бағытталған бастамаларды қолдаудың маңыздылығын атап өтті.

• 29.10.2024
• 67