Астанада еліміздің түкпір-түкпірінен келген меценаттар мен еріктілерді біріктірген Қазақстан халқы Ассамблеясының жыл сайынғы «Қайырымдылық керуені» форумы өтті

2024 жылғы 22 қазанда Астанада Қазақстан Республикасы Мәдениет және ақпарат министрлігінің қолдауымен жыл сайынғы «Қайырымдылық керуені» ҚХА республикалық форумы өтті.
Іс-шараға ҚХА төрағасының орынбасары - ҚР Президенті Әкімшілігі ҚХА хатшылығының меңгерушісі Марат Әзілханов, ҚР Парламентінің депутаттары, ҚР Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин, мемлекеттік мекемелердің өкілдері, этномәдени бірлестіктердің басшылары, меценаттар, еріктілер, сондай-ақ ҚХА қоғамдық құрылымдарының мүшелері қатысты.

«Қайырымдылық керуені» республикалық акциясы 1 наурызда Алғыс айту күні аясында басталып, Қазақстанның барлық өңірлерінен еріктілер мен қайырымдыларды біріктірді. Акция аясында ерекше назар аударған «Жүректен жүрекке» және «Мектеп жолы» сияқты көптеген экологиялық, волонтерлік және қайырымдылық іс-шаралар өткізілді. Су тасқынының салдарын еңсеру шеңберінде ҚХА зардап шеккен өңірлерге 805,7 млн теңгеден астам сомаға гуманитарлық көмек көрсетті. Әрі 6400-ден астам оқушы «Мектепке жол» акциясы барысында шамамен 260 млн теңге көлемінде қолдау алды.

Форумда меценаттарды қайырымдылыққа қосқан елеулі үлесі үшін «Жомарт жан» ҚХА құрмет белгісімен марапаттау рәсімі өтті. Меценаттар, еріктілер және қоғамдық ұйымдардың өкілдері марапаттарға ие болды. Аталмыш шараның ерекше сәті ерекше қажеттіліктері бар балалардың өнер көрсетуі болды, олар қонақтарды өздерінің шығармашылық нөмірлерімен қуантты.
Іс-шара тәжірибе алмасу және қайырымдылықтың ең жақсы тәжірибесі үшін орын ғана емес, сонымен бірге бірлік пен өзара көмек қоғамды біріктіре алатындығының жарқын мысалы болды.

• 29.10.2024
• 73