Жамбыл облысына жұмыс сапары кезінде өмірлік қиын жағдайдағы балаларды қолдау орталығында бардым

Жамбыл облысына жұмыс сапары кезінде өмірлік қиын жағдайдағы балаларды қолдау орталығында болдым. Аталған орталықта 102 бала тәрбиеленуде.

Орталық жұмысымен және балалардың тұрмысымен таныстым.  Жергілікті атқарушы орган өкілдеріне әдістемелік қызметтер мен өңірлік педагогикалық қолдау орталықтарының қызметін күшейтуді тапсырдым.

Балалардың қауіпсіздігін қамтамасыз ету және олардың құқықтарын қорғау – мемлекет саясатының басты басымдығы. Еліміздегі әрбір бала өзінің ересектердің қамқорлығында екенін сезінуі тиіс. Ол үшін барлық уәкілетті органдардың өз қызметтерін тиімді атқарып, жергілікті жерлерде жұмыстарды үйлестіруі маңызды. Мемлекет башысының тапсырмасы бойынша биылғы жылдан бастап барлық өңірде Психологиялық қолдау орталықтары ашылды. Психологтардың жұмысын күшейте отырып, балалардың құқықтарының бұзылуымен қатысты жәйттардың алдын алу керек. Бұл ретте балаларды жалпыұлттық құндылықтар рухында тәрбиелеуге бағытталған «Біртұтас тәрбие» бағдарламасы негізгі рөл атқарады.

Естеріңізге салайын, соңғы он жылда елімізде балалар үйі мен оның тәрбиеленушілерінің саны айтарлықтай азайды. Мемлекет басшысының тапсырмасына сәйкес, олар балаларды қолдау орталықтарына трансформацияланды. Елімізде барлығы 36 балаларды қолдау орталығы бар және мұнда 2 мыңға жуық бала тәрбиеленуде.

• 01.11.2024
• 32