Мектеп парламенттерінің көшбасшыларымен, республикалық, халықаралық олимпиадалардың, дебат турнирлерінің жүлдегерлерімен кездестім

Мектеп парламенттерінің көшбасшыларымен, республикалық, халықаралық олимпиадалардың, дебат турнирлерінің жүлдегерлерімен кездестім.

2023-2024 оқу жылының қорытындысы бойынша өңірдің жүлде қоры түрлі зияткерлік додалардан 470 медальмен толықты. Одан бөлек жамбылдық 29 оқушы жалпы білім беретін пәндер бойынша республикалық олимпиаданың жеңімпаздары болып, «Үздік олимпиадалық команда» номинациясын иеленді. 

Мемлекет тарапынан өскелең ұрпақтың өзін өзі танытуына барлық мүмкіндіктер жасалған. Президент бастамасымен 2022 жылдан бастап халықаралық пәндік олимпиадалардың жеңімпаздары мен жүлдегерлеріне, сондай-ақ олардың ұстаздарына ақшалай сыйақы беріліп келеді.

Атап өту керек, биылғы жылы біздің оқушыларымыз әлемдік пәндік олимпиадаларда 26 медаль қанжығалап, робототехникадан әлемнің үш дүркін, химиядан екі дүркін чемпионы болды.

Біздің балаларымыз - еліміздің мақтанышы ғана емес, білімнің берік іргетасына қаланған және үздіксіз білім алуға ұмтылған зияткер ұлттың нышаны.                                                   

Олардың жетістіктері өзгелерді білім алуға шабыттандырады. Мемлекет ұрпағымыздың дамуы үшін барлық қажетті ресурстармен қамтамасыз етіп, жағдай жасауда. Білімге ұмтылыс тұтас ұлт үшін қозғаушы күшке айналады деп сенемін.

• 01.11.2024
• 26