ҚР Қаржы министрлігі орнықты дамуды қамтамасыз ету, инвестицияларды ынталандыру, инновациялық жобаларды қолдау мен ұзақмерзімдік экономикалық өсімді нығайту үшін диалог орнатып, бірлесіп жұмыс істеуге қашанда дайын.

 Осы аптада еліміздің өңірлерінде ірі бизнес пен ШОБ субъектілерімен, сондай-ақ жергілікті билік өкілдерінің қатысуымен бірқатар кездесуді өткізуді жалғасын тапты. Бұл жолы Қарағандыда еліміздің тау-кен саласына салық салу мәселелеріне арналған жиын ұйымдастырылды.

Қаржы министрі Мәди Такиев пен Қарағанды облысының әкімі Ермағанбет Бөлекпаев үш өңірдің (Қарағанды, Павлодар және Ақмола облыстары) кәсіпкерлеріне жаңа Салық кодексі салық қызметіндегі әкімшілендіруді жеңілдету арқылы бизнеске қолдау көрсетуге бағытталғанын жеткізді.

Тау-кен саласы Қазақстан экономикасындағы негізгі жүйе құраушы секторлардың бірі. Кейінгі 3 жылда бұл саладан тұтастай республикалық бюджетке 5 трлн теңгеден астам қаражат түсті.

Халықаралық тәжірибе көрсеткендейғ экономиканың шикізат секторындағы салық жүктемесі, әдетте басқа салалармен салыстырғанда салық ауыртпалығынан асып түседі. Неге десеңіз, жер қойнауын пайдаланушылар елдің сарқылатын стратегиялық минералдық-ресурс қорларын игереді.

Бұл ретте қазір жаһандағы экономикалық сын-қатерлер тау-кен бағытын дамыту бойынша жаңа тәсілдерді енгізуді талап етіп отырғанын байқаймыз.

Осыған байланысты саланың орнықты өсімін қолдау, өндірісті әртараптандыру, технологиялық базаны жақсарту мен отандық өнімдердің әлемдік нарықтағы бәсекеге қабілеттілігін арттыру маңызды. Сондықтан да аталған сектордағы тиімді қаржы саясатының рөлі зор.

Жаңа Салық кодексінде салық қызметіндегі әкімшілендіру ісіне басымдық беріледі. Әкімшілендірудің тың, яғни сервистік моделін енгізу қолға алынды

• 01.11.2024
• 30