Алматыда Республика күніне орай марапаттау рәсімі өтті

Алматы қаласының Достық үйінде Республика күніне орай ҚХА этномәдени бірлестіктері мен қоғамдық құрылымдарының белсенді мүшелері ҚР Мәдениет және ақпарат министрлігінің ведомстволық наградаларымен марапатталды. Іс-шара барысында ҚР Мәдениет және ақпарат министрінің атынан ҚР МАМ Этносаралық қатынастарды дамыту комитетінің төрағасы Ғалым Нұрмағамбетұлы Шойкин қатысушыларды мерекемен құттықтап, этносаралық қатынастарды дамытуға маңызды үлес қосқан азаматтарға ведомстволық наградалар табыстады.
«Еңбек ардагері» медалімен Алматы қаласы ҚХА ақсақалдар кеңесі төрағасының орынбасары Б.Оспанов, Алматы облысы ҚХА ақсақалдар кеңесінің төрағасы А.Беспаев, Қазақстанның дүнген республикалық этномәдени орталығының ақсақалдар кеңесінің төрағасы И.Буларов, сондай-ақ «Барбанг» Қазақстан күрдтер қауымдастығы» РҚБ төрағасының орынбасары А.Ибрагимов марапатталды.
Сондай-ақ, бірқатар этномәдени ұйымдар мен ҚХА қоғамдық құрылымдарының белсенді азаматтарына ҚР Мәдениет және ақпарат министрінің Құрмет грамоталары, Алғыс хаттары және ҚР МАМ Этносаралық қатынастарды дамыту комитеті төрағасының Алғыс хаттары табысталды.
Іс-шара этнос өкілдері мен Қазақстан халқы Ассамблеясы мүшелерінің этносаралық бірлік пен қоғамдық келісімді нығайтуға қосқан үлесін айқын көрсететін маңызды оқиғаға айналды.

• 06.11.2024
• 70