Қонаевта этносаралық қатынастар саласындағы мемлекеттік саясатты іске асыру мәселелері бойынша семинар өтті

2024 жылғы 29 қазанда Қонаев қаласында құқық қорғау және мемлекеттік органдардың өкілдері, аудан әкімдерінің орынбасарлары, аудандардың ішкі саясат бөлімдерінің басшылары және басқа да лауазымды тұлғалар үшін семинар өтті. Іс-шарада этносаралық қатынастарды дамыту саласындағы мемлекеттік саясаттың басымдықтары мен негізгі бағыттары, сондай-ақ, этносаралық саладағы мемлекеттік органдардың іс-қимыл алгоритмдері түсіндірілді. Семинардың негізгі спикері Мәдениет және ақпарат министрлігінің Этносаралық қатынастарды дамыту комитетінің төрағасы Ғалым Шойкин болды. Ол өз сөзінде этносаралық инциденттердің пайда болу себептері және олардың алдын алуға бағытталған шаралар туралы егжей-тегжейлі айтып берді. Ғ.Шойкин Қазақстанда этносаралық қақтығыстар жоқ екенін, алайда тұлғааралық, тұрмыстық және қылмыстық қақтығыстар этносаралық инциденттерге айналу қаупін тудыруы мүмкін екенін атап өтті. «Мемлекеттік органдардың уақытылы және дұрыс іс-әрекеттері осындай оқиғалардың алдын алуға немесе олардың қаупін азайтуға мүмкіндік береді»,- деп айтты Ғалым Шойкин. Ол, сондай-ақ, этносаралық саладағы іс-қимыл алгоритмдерін қатаң сақтау қажеттілігіне назар аударып, бұл әсіресе мемлекеттік және құқық қорғау органдары үшін маңызды екеніне тоқталды.
Ақпараттық жұмысқа ерекше көңіл бөлінді. Спикер жалған жаңалықтар мен ақпараттық бюллетеньдердің таралуын болдырмау үшін семинарға қатысушыларды белгілі бір оқиғалар туралы халықты жедел хабардар етуге шақырды. Әрі жанжалды жағдайларды шешудің тек құқықтық әдістерін қолданудың маңыздылығын атап өтті. Қорытындылай келе, ол этносаралық тақырыптағы арандатушылық және деструктивті ақпаратқа иммунитетті қалыптастыру мақсатында халық арасында белсенді идеологиялық және құқықтық түсіндіру жұмыстарының қажеттілігін айтып жеткізді. Семинарға қатысушылар осы бағыттағы жұмысты жақсарту бойынша өз ұсыныстары мен пікірлерімен бөлісті. Семинар қоғамда бейбітшілік пен келісімді сақтауға бағытталған этносаралық қатынастарды дамыту мәселелері бойынша тәжірибе мен білім алмасудың маңызды алаңына айналды.

• 06.11.2024
• 57