Мемлекет басшысының төрағалығымен өткізілген Шетелдік инвесторлар кеңесіне қатысуға келген Еуропалық қайта құру және даму банкінің президенті Одиль Рено-Бассо ханымды Астанада көргеніме қуаныштымын.

ЕҚДБ - Қазақстан үшін маңызды жобаларды қолдаудағы басты серіктестердің бірі және елордамызда банктің жаңа кеңсесінің ашылуы берік ынтымақтастықтың орнап, өзара сенімнің айқын дәлелі.

Аталған іс-шараның ашылуында өз құттықтауымды жеткізе отырып, жаңа кеңсенің Қазақстанның дамуына ықпал ететін ауқымды жобалардың, маңызды бастамалар мен бірлескен жетістіктердің орталығына айналуын тіледім.

Бұған қоса біз халықтың өмір сүру сапасын жақсартуға мүмкіндік беретін екі маңызды келісімге қол қойдық. Айталық, Көкшетауда 630 орынға шақталған көпбейінді облыстық аурухананы салу жобасы бойынша тікелей келісім. Тағы бір жоба Павлодардағы трамвай паркін жаңғыртуға арналған кредиттік келісім. Бұл көлік инфрақұрылымын жақсартудағы маңызды қадам саналады.

ЕҚДБ-мен бірлесіп жұмыс істеуді тағатсыздана күтеміз әрі оның нәтижесі еліміздің кемел келешегі үшін жарқын болады деген үміт басым.

• 06.11.2024
• 105