Бүгін азаматтардың жеке қабылдауын өткіздім. Бұл жолы қазақстандықтардың өтініштері мемлекеттік сатып алу және шығармашылық бастамаларды қолдау мәселелеріне қатысты болды.

Қаржы министрлігі қазақстандықтардың барлық бастамасы мен ұсыныстары, сол секілді өтініштерін мұқият қарайтындықтан менімен бірге жеке қабылдауға бірнеше департаменттің қызметкерлері қатысқанын айта кетейін. Азаматтарға көтерілген мәселелерге байланысты тиісті заңға сай толық әрі тұшымды жауап берілді. Кейбір өтініш қосымша пысықтауды қажет ететіндіктен министрліктің құрылымдық бөлімшелерінің басшыларына тиісті тапсырмаларды бердім.

Бұл ретте біздің ведомство қоғам тарапынан көтерілетін азаматтық бастамаларды қолдайтынын айта кеткен орынды. Өйткені қызмет ашықтығы Қазақстан азаматтарының, қоғамдық бірлестіктер мен кәсіпкерлік қауымдастықтың түрлі деңгейдегі шешімдерді әзірлеп, атсалысуларына жол ашады, сондай-ақ халықпен жүйелі диалог орнатуға септеседі.

• 06.11.2024
• 90