Бизнесті қолдау - біздің басым бағытымыз

Аймағымызда бизнестің іскерлік белсенділігі сенімді түрде артып келеді. Шағын және орта бизнес экономиканы нығайтып қана қоймай, тұрғындарымыз үшін жұмыс орындарын ашады. Бұл салада 231 мың адам немесе өңірдегі барлық жұмыспен қамтылған халықтың 43% - ы жұмыс істейді. Бүгінде кәсіпкерлер өндірген өнімнің көлемі 1,2 трлн теңгеге жетті.

Осы орайда бизнесті одан әрі дамыту және кәсіпкерлерді қолдау үшін елімізде 16,9 млрд теңге қаржыландыру қарастырылған Бірыңғай кешенді бағдарлама іске қосылды. Бұл қаражат субсидиялауға, жеңілдетілген несиелеуге және бизнес гранттарына бағытталған. Осы бағдарламаның шеңберінде облысымыздың ауылдарында бірегей бастамаларды қолдайтын «Бір ауыл – бір өнім»  жобасы іске асырылуда. Ол аймақтағы негізгі жобалардың бірі. Биылғы жылы білім беру, денсаулық сақтау және қайта өңдеуге қатысты 12 жоба мақұлданды. Жеңімпаздар 5 млн теңгеге дейін грант алды. Бұл ауылдық аумақтардың дамуына ықпал етеді.

Бизнесті қолдау - біздің басым бағытымыз.  

Біздің осы бағыттағы бірлескен күш-жігеріміз өңірдің экономикасын нығайтатынына сенімдімін.

• 14.11.2024
• 22