Есірткіге қарсы күрес және оның айналымын алдын алу бойынша жұмыстарды талқыладық

Жыл басынан бері облыста 332 есірткі қылмысы анықталып, 445 кг есірткі тәркіленді. Екі жасырын зертхана жабылды. Сондай-ақ, айналымы 2,5 млрд теңгеден асатын ұйымдасқан топтың қызметі тоқтатылып, 16 адам ұсталды.

Есірткі граффитиін жоюға ерекше назар аударылуда. Жыл басынан бері еріктілер мен белсенділер Қарағанды, Теміртау, Саран, Шахтинск және Балқаш қалаларында 410 рейд өткізіп, 11 902 есірткі жарнамасын жойды. Сондай-ақ полиция есірткіні насихаттайтын 177 сайтты бұғаттады.

Отырыста біз нашақорлықты алдын алу мен қатар оны емдеуді де талқыладық. Жақында Облыстық психикалық денсаулық орталығы ағзадағы есірткінің 100-ден астам түрін анықтайтын жабдықты қолдана бастайды. Нашақорлықты алдын алу жұмыстары мектептерде, колледждерде,  жоғары оқу орындарында, сондай-ақ ата-аналармен жүргізілуі қажет.

Полиция әкімдіктермен бірге көшелерде есірткі жарнамаларын іздеуді және жоюды жалғастырады. Ал оқу орындарында тұрақты скринингтер жүргізіледі. Сондай-ақ, облыстық диспансердің жанынан анонимді көмек көрсету үшін консультациялық орталық құру және жұртшылықты нашақорлықпен күреске тарту жоспарлануда.

• 14.11.2024
• 90