ҚДБ Бакуде өткен СОР29 конференциясына қатысты

«Қазақстанның Даму Банкі» АҚ өкілдері Әзірбайжанның Баку қаласында өтіп жатқан БҰҰ климаттың өзгеруі туралы негіздемелік конвенциясы (COP29) тараптарының 29-шы конференциясының жұмысына қатысты. Әлемдік көшбасшылардың қатысуымен өтетін халықаралық іс-шараның басты тақырыптарының бірі – тұрақты қаржыландыру және ауаға бөлінетін зиянды қалдықтар мөлшерін азайту мен энергияға көшуді қолдаудағы климаттық қорлардың рөлі болды.

ҚДБ Басқарма төрағасы Марат Елібаев «Даму» Қоры ұйымдастырған «Қаржы институттарының тұрақты даму қағидаттарын енгізуі. «Жасыл» қаржыландыру үрдістері» тақырыбындағы панельдік сессия жұмысына қатысып, өз баяндамасында Банктің қызметі СОР29 конференциясының бастамалары мен негізгі қағидаттарына сәйкес келетіндігін атап өтті.

СОР29 конференциясы аясында ҚДБ Басқарма төрағасының орынбасары Ботагөз Әбішева «Орталық Азия мен Каспий өңірінде аралас климаттық қаржыландыру тетіктерін дамыту перспективалары» тақырыбындағы панельдік сессияда сөз сөйледі. Сонымен қатар Банктің басқарушы директоры Дина Жанәділ Capacity-building Alliance for Sustainable Investment (CASI) алаңында өткен пікірталасқа қатысып, тұрақты даму туралы ақпаратты, оның ішінде сын-тегеуріндерді, артықшылықтары мен оларды шешу жолдарын ашуға байланысты тақырыптарды қамтыды.

Сондай-ақ жұмыс сапары аясында ҚДБ делегациясы Global Environmental Facility, Adaptation Fund, UNEP FI, Еуропалық инвестициялық банк және OPEC Fund for International Development сияқты халықаралық Климаттық қорлармен бірқатар кездесу өткізді. Кездесулер барысында тұрақты жобаларды қаржыландырудағы ынтымақтастық перспективалары талқыланды.

СОР29 алаңында Қазақстанның Даму Банкі БҰҰ мен G20 мақсаттарына сәйкес дамушы елдердегі қаржы институттарының әлеуетін арттыру және ынтымақтастықты одан әрі нығайту үшін Global Capacity Building Coalition құрамына енді.

COP – климаттық мәселелерді жаһандық талқылауға арналған халықаралық алаң. Конференцияда атмосфераға бөлінетін зиян қалдықтардың мөлшерін азайту саласындағы жетістіктер талқыланады және климаттық бейтараптыққа қол жеткізу үшін жаңа мақсаттар белгіленеді, сондай-ақ жасыл технологиялар мен экономикаға көшудің әдістері мен жолдары талқыға түседі.

• 15.11.2024
• 21