Қазақстанда мектептерге арналған PISA-2024 зерттеуі басталды

2024 жылдың 18 қарашасы мен 25 желтоқсаны аралығында еліміздің 1 мың білім беру ұйымында халықаралық PISA зерттеуі жүргізілуде. Оған 15 жасқа толған 30 мыңнан астам қазақстандық оқушы қатысады.

Зерттеу дәстүрлі PISA әдіснамасына негізделген және оқу сауаттылығы, математика, жаратылыстану ғылымдары секілді функционалдық сауаттылықтың негізгі дағдыларын бағалайды. Сонымен қатар бұл зерттеу арқлы білім беру ұйымдарына сыртқы бағалау жүргізіледі. Оның нәтижелері оқушылардың оқу үлгеріміне әсер ететін негізгі факторларды анықтауға бағытталған.

Мектептерге арналған PISA зерттеуі жыл сайын жүзеге асырылады және әр мектеп бойынша жеке есептер ұсына отырып, нәтижелерді талдауға мүмкіндік береді. Бұл мектептерге білім беру сапасын арттыру бағытындағы стратегиялар мен бағдарламаларды әзірлеуде маңызды құрал болады. Зерттеу оқу орындарының күшті және әлсіз жақтарын анықтап, қажетті шараларды қабылдауға көмектеседі, осылайша білім беру процесін жақсартуға ықпал етеді.

Айта кету керек, «Мектептерге арналған PISA» зерттеуін Экономикалық ынтымақтастық және даму ұйымы жүргізеді. Оған 2021-2023 жылдар аралығында еліміздің 2200 білім беру ұйымдары қатысты.

• 22.11.2024
• 76