Жыл басынан бері 13 мың жасқа жұмысқа орналасу барысында көмек көрсетілді

Облыста біз жастарды, оның ішінде оқымайтын және жұмыс істемейтін (NEET) жас адамдарды белсенді түрде қолдауға тырысамыз. Біздің негізгі мақсатымыз оларға  өмірде өз орнын табуға көмектесу.

Жыл басынан бері 13 мың жасқа жұмысқа орналасу барысында көмек көрсетілді. NEET санатындағы жастар үшін «Мүмкіндіктер марафоны» жобасы жұмыс істейді. Оның шеңберінде 10 айда бос орындар жәрмеңкелері, жұмыс орындарына экскурсиялар, заңгерлер мен психологтардың тегін кеңестері сияқты 297 іс-шара өткізілді. Бұл шаралар барысында жастарға білім алу мен өз ісін ашу немесе жұмысты табу мүмкіндіктері жайлы айтылды.

Бұл бағыттағы жұмыстар жастар жиі жүретін базарлар мен сауда орталықтарында, саябақтарда жүргізіледі. Осы арқылы біз жастарды барынша қамтуға тырысамыз.

Сондай-ақ оқығысы келетін жастар үшін келесі бағдарламалар әзірленген.  
- «JUMYS TAP» - жаңа мамандықтардың қысқа мерзімді курстары;
- «Бастау Бизнес» - кәсіпкерлікке оқыту бағдарламасы. Биыл әлеуметтік осал топтардан 67 жас  өз ісін ашуға грант алды.

Шығармашыл жастар үшін Қарағандыда комьюнити-орталық ашылды, онда түрлі креативті идеяларды жүзеге асыруға болады.

Жасалған жұмыстардың нәтижесі де жоқ емес. Мысалы, Шахтинск қаласында аулаларды аралау, қоңырау шалу және хабарлау арқылы NEET жастарының саны екі есеге азайды.

Біз бұл жұмыстарды одан әрі жалғастыратын боламыз. Жақында өткен жиналыста мен жастарға қайда бару керектігін және олар үшін істелініп жатқан жұмыстарды барынша насихаттау қажеттігін атап өткен болатынмын. Бұл бағыттағы жұмыстарды атқаруға қажетті мүмкіндіктер жетерлік.

• 22.11.2024
• 34