Астанада Қазақстан халқы Ассамблеясының Аналар кеңесінің 10 жылдығына арналған салтанатты іс-шара өтті

2024 жылғы 8 қарашада Астана қаласының Достық үйінде Қазақстан халқы Ассамблеясы Аналар кеңесінің 10 жылдық мерейтойына арналған салтанатты іс-шара өтті. Іс-шараға ҚХА төрағасының орынбасары - ҚР ҚХА хатшылығының меңгерушісі Марат Әзілханов, Қазақстан Республикасы Парламентінің депутаттары, Мәдениет және ақпарат вице-министрі Айзада Құрманова, сондай-ақ мемлекеттік органдардың, қоғамдық бірлестіктердің өкілдері және ҚХА Аналар кеңесінің мүшелері қатысты.
Айзада Құрманова өзінің құттықтау сөзінде аналардың патриотизмді, ұлттық рухты қалыптастырудағы және отбасылық құндылықтарды сақтаудағы рөлінің маңыздылығын атап өтіп, 10 жыл ішінде Аналар кеңесі көптеген бастамаларды жүзеге асырғанын және этносаралық келісімді дамытуға және отбасылық дәстүрлерді нығайтуға елеулі үлес қосқанына тоқталды. Ол, сондай-ақ республика бойынша 1700-ден астам Аналар кеңесі гендерлік теңдікті сақтау, әйелдердің құқықтарын қорғау, отбасы институтын дамыту, әрі нашақорлық пен зорлық-зомбылық сияқты әлеуметтік мәселелермен күресу сияқты мемлекеттік басымдықтар шеңберінде өз қызметін белсенді жүргізіп жатқанына баса назар аударды.Кездесу қорытындысы бойынша Аналар кеңесінің белсенді мүшелері азаматтық қоғамды дамытуға және этносаралық бірлікті нығайтуға қосқан үлесі үшін марапатталды.

• 22.11.2024
• 65