Астанада кемсітушілікке қарсы заңнама мәселелері жөніндегі жұмыс тобының 2024 жылғы қорытынды отырысы өтті

2024 жылғы 18 қарашада ҚР Мәдениет және ақпарат вице-министрі Айзада Құрманованың төрағалығымен кемсітушілікке қарсы заңнама мәселелері жөніндегі ведомствоаралық жұмыс тобының ағымдағы жылғы қорытынды отырысы өтті. Іс-шараға мемлекеттік органдар, азаматтық қоғам және құқық қорғау ұйымдарының өкілдері қатысты. Күн тәртібінің негізгі тақырыбы жыл бойы атқарылған жұмыстарды қорытындылау. Атап айтқанда, жұмыс тобы мүшелерінің адам құқықтарын қорғау саласындағы Қазақстанның құқықтық жүйесін одан әрі жетілдіру жөніндегі қорытынды ұсыныстары талқыланды. Отырыста мемлекеттік органдар, сарапшылар мен қоғамдық ұйымдар өкілдерінің баяндамалары тыңдалды. Қатысушылар Қазақстанда кемсітушілікке қарсы нормаларды қолданудың тұжырымдамалық тәсілдерін, халықаралық тәжірибесін және практикалық аспектілерін егжей-тегжейлі талқылады. Жиналыс қорытындысымен жұмыс тобы ҚР Үкіметіне кемсітушіліктің терминдері мен түрлерін нақты айқындауды енгізіп, шағымдарды беру және қарау тетіктерін жасап, сондай-ақ ұлттық заңнаманы халықаралық стандарттармен үйлестіруді қамтамасыз ететін кемсітушілікке қарсы заңнаманы жетілдіру мәселелері бойынша ұсыныстарды жолдау бойынша келісті. Вице-министр Айзада Құрманова теңдік пен құрмет қағидаттары заңнаманы одан әрі жетілдіру үшін негіз болып қалатынына тоқталып, барлық қатысушыларға жұмыста атсалысқаны, әрі сындарлы ұсыныстарды енгізгені үшін алғыс білдірді.

• 22.11.2024
• 64