Этносаралық қатынастар саласындағы мемлекеттік саясаттың басым бағыттары бойынша семинар

2024 жылғы 22 қарашада ҚР Мәдениет және ақпарат министрлігінің Этносаралық қатынастарды дамыту комитеті Ұлытау облысының әкімдігімен бірлесіп, этносаралық қатынастарды дамыту саласындағы мемлекеттік органдардың өзара іс-қимылының өзекті міндеттері мен алгоритмдерін түсіндіруге арналған онлайн-семинар өткізді. Іс-шараға қалалар мен аудандар әкімдерінің орынбасарлары, өңірдің әлеуметтік-мәдени сала басқармаларының басшылары, сондай-ақ құқық қорғау органдарының өкілдері қатысты. Семинар аясында этносаралық қатынастар саласындағы мемлекеттік саясатты іске асырудың негізгі бағыттары мен мәселелері қаралды:

* этностардың қоғамдық келісімі мен интеграциясын нығайту үшін этносаралық коммуникацияларды дамыту;

* жастар арасында патриотизмге тәрбиелеу және жалпыазаматтық құндылықтарды қалыптастыру;

* этносаралық инциденттердің уақтылы алдын алу және этномедиация институтын дамыту.

Азаматтардың этникалық тегіне қарамастан олардың құқықтарының теңдігін қамтамасыз ету, сондай-ақ кемсітушілік пен ксенофобия көріністеріне жол бермеу мәселелеріне ерекше назар аударылды. Қатысушылар профилактикалық жұмысты күшейту және мемлекеттік органдар, құқық қорғау құрылымдары мен азаматтық қоғам институттары арасындағы өзара іс-қимылды нығайту бойынша практикалық ұсыныстармен алмасты.

• 22.11.2024
• 66