Коммуналдық қызметтерге арналған тарифтер: Қай жерде қымбат?

Қазақстанда коммуналдық қызметтерге арналған тарифтердің қаншалықты қымбат екендігі және қазақстандықтар өз кірістерінің көп бөлігін ТКШ-ға жұмсауға мәжбүр ме екендігі белгілі болды, деп хабарлайды zakon.kz.

         ҚР ҰЭМ ТМРК төрағасының орынбасары Ерболат Ибрайханов Іскерлік Қазақстанға тарифтерді қалыптастыру экономикалық және әлеуметтік құрамдастар арасындағы тепе-теңдікті сақтай отырып, тұтынушылар мен табиғи монополиялар субъектілері мүдделерінің теңгеріміне қол жеткізуге негізделгендігі туралы айтып өтті.

         Сонымен қатар, Қазақстанда тұрғын үй-коммуналдық шаруашылық қызметтеріне тарифтер деңгейі жақын және алыс шетелдермен салыстырғанда  Үкіметі жүргізетін тарифтік саясаттың әлеуметтік бағытын көрсетеді. Мысалы, Қазақстанда (Нұр-Сұлтан) электр энергиясының құны 1 кВтсағ үшін 11,93 теңгені құрайды, бұл ЕАЭО – ға мүше басқа мемлекеттермен салыстырғанда төмен: Армения (40,92 теңге), Ресей (32,63 теңге) және Беларусь (27,97 теңге). Қырғызстандағы ең төменгі тариф-1 кВтсағ үшін шамамен 5,18 теңге.

         Бұл ретте, Eurostat статистикалық деректері көрсетіп отырғандай, халық үшін тарифтер ЕО елдері бойынша айтарлықтай үлкен сараланумен сипатталады және Венгрияда 41,95 теңге/кВтс-тан Ирландияда 105,67 теңге/кВтс-қа дейін шегінде өзгеріп отырады.

         Қазақстанда (Нұр-Сұлтан) сумен жабдықтау қызметтеріне арналған тарифтер 1 м3 үшін 44,8 теңгені құрайды. Бұл ретте Ресейде – 243,4 теңге, Арменияда – 165,7 теңге, Беларусьте – 150,2 теңге, Қырғызстанда - 42,4 теңге сәл арзан. Қарастырылып отырған елдердің ішінде ауыз суға ең төменгі тарифті Тәжікстан халқы – 21,2 теңге және Өзбекстан халқы – 23,8 теңге төлейді.

         Сонымен қатар, ЕАЭО елдерінде жылу энергиясына тарифтер Қазақстанға қарағанда қымбат, оның ішінде Беларусияда ол 3522,4 теңге/Гкал, Қырғызстанда – 5905,2 теңге/Гкал, Ресейде – 14 017,0 теңге/Гкал баламды.

         Еуропа елдерімен салыстырғанда ҚР-да халықты жылумен қамту арзан.

         Қазақстанда ТКШ саласындағы тарифтер ТМД және Еуропа елдерімен салыстырғанда ең төмен тарифтердің бірі болып қалатынын көріп отырмыз. Сонымен қатар, Табиғи монополияларды реттеу комитеті 2018 жылдың соңынан бастап тұрғындар үшін коммуналдық қызметтер тарифтерінің өсуін тежеу бойынша жұмыс жүргізуде. 2018 жылдың соңында тарифтер орта есеппен 9% – ға төмендеді . 2019 жылдың соңында 2020 жылға арналған тарифтердің жоспарлы өсімі орташа есеппен 15,5% - дан 0,5% - ға дейін тежелді. Ал елімізде енгізілген төтенше жағдай кезеңінде тарифтер орташа есеппен 7,4% - ға төмендеді - деді Ерболат Ибрайханов.

         Осылайша, халықтың коммуналдық қызметтерге шығындарының үлесі тұрмыстық шығыстарға байланысты басқа шығындардан айырмашылығы соңғы жылдары өзгермейді.

• 19.02.2021
• 302