Көкшетауда жаңа жол мен көпір арқылы көлік қозғалысы іске қосылды

Көкшетауда Қопа көлі бойындағы жаңа жол бойында көлік қозғалысы және Застанционный шағын ауданындағы көпір ашылды.

Ұзындығы 1,7 км Жағалау көшесінің жаңа учаскесі Кенесары көшесін Қан орталығына бұрылыспен жалғайды. Бүгінгі таңда негізгі жұмыстар аяқталды: екі жақты жарықтандыру орнатылды, тротуарлар мен велосипед жолдары, бағдаршамдар мен су бұру науалары жабдықталды. Жоба облыс әкімдігі мен «Қазцинк» АҚ арасындағы мемлекеттік-жекеменшік әріптестік аясында жүзеге асырылуда. Жол магистралі қаланың екі ауданы арасындағы қашықтықты едәуір қысқартады және облыс орталығының негізгі көшелеріндегі трафикті жеңілдетеді.  Айта кетейік, жаңа жол небәрі үш айда салынған.

«Жолдың жаңа учаскесі қауіпсіздік, ыңғайлылық деңгейін арттырады және туристік әлеуетті дамытуға ынталандырады», - деп атап өтті облыс әкімі.

Сондай-ақ, Марат Ахметжанов Уәлиханов көшесінен Застанционный шағын ауданына қарай темір жол арқылы өтетін жол өтпесіне дейінгі жолды реконструкциялаудың аяқталуын тексерді.

Мердігер ұйым су бұру науаларын төсеу, тротуарларды, жарықтандыру тіректерін, бағдаршамдар мен жаяу жүргіншілер қоршауларын орнату, сондай-ақ ӘЖ-110 кВ электр беру желілерін тарту бойынша жұмыстар жүргізді.

Шағын аудан тұрғыны Анастасия Асенова өз әсерімен бөлісті.

«Енді үйге жету әлдеқайда жеңіл және ыңғайлы болады. Облыс пен қала басшылығына бізге осындай жағдай жасап, қамқорлық танытқаны үшін алғыс айтамыз», - деді қала белсендісі.

• 28.11.2024
• 28