Астанада «СЕРІКТЕСТІК, ДИАЛОГ ЖӘНЕ СЕНІМ: берік азаматтық қоғам кепілі» атты дөңгелек үстел өтті.

Астанада «СЕРІКТЕСТІК, ДИАЛОГ ЖӘНЕ СЕНІМ: берік азаматтық

қоғам кепілі» атты дөңгелек үстел өтті.

Бүгін Астанада Қазақстан Республикасының Мәдениет және ақпарат
министрлігінің қолдауымен «СЕРІКТЕСТІК, ДИАЛОГ ЖӘНЕ СЕНІМ: берік
азаматтық қоғам кепілі» атты дөңгелек үстел өтті.
Аталған шара («АДАЛ АЗАМАТ – БЕЛСЕНДІ ҚОҒАМ») Азаматтық
қоғамды дамыту орталығының қызметін ұйымдастыру» стратегиялық
әріптестік аясында ұйымдастырылды.
Іс-шара аясында түрлі әлеуметтік бастамаларды жүзеге асыруда
мемлекеттік және азаматтық қоғам институттары арасындағы тиімді
серіктестік, диалог пен сенім арқылы азаматтық қоғамды қалыптастыру мен
дамытудың негізгі аспектілері талқыланды.
Шараға Орталық мемлекеттік органдардың өкілдері сондай-ақ, 20
өңірден ҮЕҰ басшылары қатысты.
Айта кетейік, бүгінгі күні азаматтық сектор қызметінде оң қарқын
байқалған, мәселен, ҮЕҰ саны 2008 жылдан бастап 2,5 есеге артты
(республика бойынша 22 мыңнан астам ҮЕҰ тіркелген, соның ішінде 17 мың
ҮЕҰ белсенді жұмыс жасайды).

• 29.11.2024
• 71