Өнеркәсіп және құрылыс министрі Қызылорда облысының тұрғындарымен кездесу өткізді

Өнеркәсіп және құрылыс министрі Қызылорда облысының тұрғындарымен кездесу өткізді

ҚР Өнеркәсіп және құрылыс министрі Қанат Шарлапаев жұмыс сапары аясында Қызылорда қаласына келді.

Алдымен Қанат Шарлапаев «Достық үйі» ғимаратында халықпен кездесу өткізді.

«Биыл өңірдегі өңдеу өнеркәсібі 23%-ға өсім көрсетті, салада 13 мыңға жуық адам жұмыс істейді. Сонымен қатар, биылғы жылдың он айында 700 мыңға жуық ш. м. тұрғын үй пайдалануға берілді, сумен қамту және суды бұрудың 2 млрд теңгеге 5 жобасы, жылумен қамтудың 6 жобасына республикалық бюджеттен 6 млрд теңге қарастырылған. Біздер мұнымен тоқтап қалмай, әкімдікпен бірге облысты дамыту бойынша жұмысты жалғастыратын боламыз», – деді Министр.

Жиын барысында азаматтар облыста 2 шағын индустриялық аймақтың құрылысы мен көлік өндірісіне қатысты мәселелерді қозғады. Сондай-ақ, кәріздік тазарту құрылыстарын орнату, халықтың осал санаттарын тұрғын үймен және өңір тұрғындарын ыстық сумен қамтамасыз ету бойынша сұрақтар қойылды.

Тұрғын үймен қамтамасыз ету жөніндегі сұраққа Қанат Шарлапаев 2023-2024 жылда әлеуметтік осал топтарға арналған 4 мыңға жуық пәтер салынғанын айтып жауап беріп, Министрлік келесі жылда тағы қаражат көздерін іздейтін болатынын қосты.

Одан бөлек, жаңа өндіріс орындарын іске қосу арқылы өндірісті дамыту тақырыбы қозғалды. Қатысушылар тарапынан бұрын айтылған сұрақтар бойынша ұсыныстар айтылған.

Келесі кезекте Министр азаматтарды жеке мәселелері бойынша қабылдау жүргізіп, оған «КомфортKZ 1» ЖШС, «CTSolutions» ЖШС және облыстағы құрылыс компаниялары басшылары қатысты.

Қатысушылар офтейк келісім-шарттарын жасасу, лицензия алу, автокөліктерді өндіру және әзірленген технология бойынша сынақтар өткізуге қолдау көрсету мәселелері бойынша жүгінді.

Қанат Шарлапаев әрбір азаматтың сауалын тыңдап, жан-жақты жауап берді.

• 02.12.2024
• 70