Астанада Қазақстанның тау-кен өнеркәсібі жетекшілерінің кеңесі өтті

ҚР Өнеркәсіп және құрылыс министрі Қанат Шарлапаев «Диалог және болашаққа арналған жоспарлар» тақырыбындағы Қазақстанның тау-кен өнеркәсібі жетекшілерінің кездесуінде сөз сөйледі.

         Министр соңғы 5 жылда еліміздің геологиялық ұмтылысы миллиард долларды құрайтынын атап өтті. Сондай-ақ, оның пікірінше, Министрлік бұл салаға 200 млн долларға жуық инвестиция салған және бұл көрсеткіш төмендемей, өсу үстінде.

         «Біз Орталық Азиядағы емес, әлемдік деңгейде бәсекеге қабілетті ең тартымды тау-кен секторларының бірін құратын боламыз», – атап өтті Қанат Шарлапаев.

АҚШ, ЕО, Ұлыбритания, Франция ыТөтенше және Өкілетті Елшілері, сондай-ақ Канадажәне Түркия дипломатиялық миссияларының жоғары лауазымды өкілдері және Палатаның 30-дан астам жетекші мүше-компаниялары іс-шараға қатысты.

Елге геологиялық барлаудың жаңа әлемдік көшбасшылары келеді. Қызметтерде мультипликаторлық әсер байқалады деп атап өтті Қазақстан тау-кен палатасының президенті Руслан Бәймішев. Геологиялық барлау жұмыстарының көлемін ұлғайту үшін жаңа отандық мамандандырылған кәсіпорындар құрылуда. Бұрғылау, геофизика және геохимия қызметтері нарығы жаңа құзіреттіліктермен толықтырылуда.

Одан бөлек, «Тау-кен өнеркәсібінің даму перспективалары» тақырыбында ашық сессия өткізіліп, Палата мүшелерінің өзекті мәселелері мен ұсыныстары талқыланды.

Жер қойнауын пайдалану департаментінің директоры Алмас Кушумов кездесуге қатысушылардың сұрақтарына жауап бере отырып, Министрліктің цифрландыру, заңнамаға өзгерістер енгізу және электронды аукциондарды өткізу бойынша жұмысына тоқталды. Сондай-ақ, ол Жер қойнауын пайдаланудың бірыңғай платформасын жүзеге асыру жоспарларымен бөлісті.

Іс-шара инвесторлардың тәуекелдерін азайту, заманауи әлеуметтік-жауапты инвестордың объективті бет-бейнесі бойынша имидждік жұмыс жасау мақсатында проблемалар мен болашаққа арналған жоспарларды талқылау мақсатында ұйымдастырылды. Палата сондай-ақ өнеркәсіптік саясаттағы бастамалар, Жер қойнауы туралы кодексті түзету бастамалары бойынша жұмыс істеуде

Кездесу барысында тау-кен өнеркәсібінің тұрақты дамуының негізгі мәселелері, халықаралық ынтымақтастық перспективалары және Қазақстанның тау-кен саласына шетелдік инвестицияларды тарту мүмкіндіктері талқыланды.

• 03.12.2024
• 27