Ақмола облысында ұлттық жобалар аясында әлеуметтік нысандар салынуда

«Жайлы мектеп» ұлттық жобасы аясында 7 200 орындық 6 мектеп салынды. Целиноград ауданының Қоянды ауылында және Көкшетау қаласында 5 мың орындық үш мектептің құрылысы аяқталып қалды.

«Жайлы мектептердің аумағы жағынан қарапайым мектептерге қарағанда артықшылығы бар. Биыл Қосшы қаласында 1200 орындық мектеп құрылысы аяқталды. Биыл облыс орталығында 446 орындық екі балабақша іске қосылды. Келесі жылы тағы үш балабақша пайдалануға беріледі», - деді өңір басшысы Марат Ахметжанов ОКҚ алаңында өткен баспасөз конференциясында.

Сонымен қатар «Ауылдық денсаулық сақтауды жаңғырту» ұлттық жобасы бойынша бастапқы медициналық-санитариялық көмек объектілері салынып жатыр. Осы объектілер 38 ауылдық елді мекенде тұратын 43 мың адамды қамтиды.

• 04.12.2024
• 13