Су ресурстары және ирригация министрлігі One Water Summit аясында Халықаралық Қайта Құру және Даму банкімен ынтымақтастық туралы Меморандумға қол қойды

Қазақстан мен Франция Президенттерінің қатысуымен бұл күндері Сауд Арабиясында өтіп жатқан One Water Summit туралы жаңалықтарды оқып-біліп жатқан боларсыздар. Саммит аясында біз маңызды келісімге қол жеткіздік. Су ресурстары және ирригация министрлігі мен Францияның даму агенттігі (AFD) және Францияның геологиялық және тау-кен барлау бюросы (BRGM) ынтымақтастық туралы үшжақты келісімге қол қойды.

AFD және BRGM-мен үшжақты келісім Балқаш көлі бассейнінде су ресурстарын тұрақты басқаруға және зерттеуге бағытталған. Құжат судың жай-күйін өлшеу мен талдау, климаттық және антропогендік әсерлерді модельдеу, сондай-ақ 2040 жылға дейін су балансын болжауды қарастырады.

Жобаның басты мақсаттарының бірі - Балқаш көлінің деңгейін тұрақтандыру үшін Қапшағай су қоймасының жұмыс кестесін оңтайландыру. Зерттеу нәтижесі бойынша өзендерді тазарту, топырақтың тозуы мен судың ластануын болдырмау, балық шаруашылығы мен экологиялық туризмді дамыту, сондай-ақ көлді қорғау үшін нормативтік-құқықтық база құру жөніндегі іс-шаралар жүргізілетін болады.

Сондай-ақ, аталған келісім Су ресурстары және ирригация министрлігіне Балқаш көлінің су ресурстарын басқаруды дамыту үшін 1,35 млн еуро көлемінде грант бөлуді көздейді.

Сонымен қатар, министрлік BRGM-мен су ресурстары туралы өзара түсіністік туралы Меморандумға қол қойды. Құжат жерасты сулары саласындағы екіжақты ынтымақтастықты дамытуды көздейді.

• 04.12.2024
• 71