Бішкекте өткен Қазақстан-Қырғызстан Үкіметаралық кеңесінің отырысына қатыстым. Жиында су ресурстары саласындағы өзара іс-қимыл бойынша бірқатар келісімге қол жеткіздік.

Атап айтқанда, біз Киров су қоймасының толу мәселесін көтердік. Бүгінгі таңда қоймадағы су көлемі өткен жылғыдан үш есе көп.

Қырғыз тарапы жағдай тұрақты бақылауда екенін мәлімдеді және көктемгі су тасқыны кезінде су қауіпсіз көлемде жіберілетінін айтты. Белгіленген кестеге сәйкес, көршілеріміз вегетация аралық кезеңде Киров су қоймасынан су жіберуді екі есе ұлғайту жөнінде міндеттеме алды. Бүгінгі таңда елімізге секундына 10 текше метр су келіп жатыр. Қажет болған жағдайда секундына 20 текше метрге дейін арттырады.

Биыл елімізде вегетациялық кезеңде су тапшылығы болған жоқ. Қырғыз тарапы Шу және Талас өзендері арқылы келісілген көлемде су берді. Осының нәтижесінде Жамбыл облысының шаруалары толық көлемде су алды.1217:07

• 04.12.2024
• 86