Жаркент крахмал-сірне зауыты өнім экспортын ұлғайтады

Алматы облысындағы жүгеріні қайта өңдеу нарығындағы маңызды кәсіпорын «Жаркент крахмал–сірне зауыты» ЖШС - жоғары сапалы жүгері крахмалы, сірне және глюкоза-фруктоза сироптарын өндіруге маманданған Орталық Азиядағы ірі кәсіпорындардың бірі. Зауыттың өнімдері ішкі нарықта да, одан тыс жерлерде де сұранысқа ие. Атап айтқанда, өндірілетін көлемнің шамамен 45 пайызы Түркия, Өзбекстан, Қытай, Ресей, Тәжікстан және Қырғызстанға экспортталады.

Экспортты дамыту және өнім ассортиментін кеңейту мақсатында аталған зауыт «Қазақстанның Даму Банкі» АҚ-нан (бұдан әрі - ҚДБ) 2,5 млрд теңге көлемінде кредиттік қаражат тартты. Бөлінген қаражатқа кәсіпорын экспорт үлесін 50%-ға дейін арттыруды жоспарлап отыр.

300-ге жуық жоғары білікті маман жұмыс істейтін зауыт заманауи жабдықтармен жабдықталған. Мәселен, зауытта шығарылатын крахмал сірнесі синтетикалық қоспаларды қолданбай өңдеудің инновациялық әдістерінің нәтижесінде тұтқырлығы төмен мен түсі қанық емес. Өнімдер экологиялық таза, сонымен бірге тамақ, кондитерлік, тоқыма, қағаз салаларында, сондай-ақ құрылыс материалдарын өндіру барысында жоғары сұранысқа ие.

ҚДБ-ның қаржыландыру шикізаттық емес экспортты ынталандыруға және Қазақстанның тамақ өнеркәсібін дамытуға бағытталған.

Аталған қолдау ҚДБ-ның азық-түлік қауіпсіздігін нығайтуға және отандық өндірістің бәсекеге қабілеттілігін арттыруға деген ұмтылысының бірден бір айғағы болып табылады.

• 09.12.2024
• 83