С.ТРҰМОВ: «МАҢҒЫСТАУДА АУЫЛ ШАРУАШЫЛЫҒЫН ДАМЫТУДЫҢ ЕҢ ТИІМДІ ЖОЛЫ – ЖЫЛЫЖАЙЛАРДЫ КӨБЕЙТУ КЕРЕК»

Биыл аймақтағы ауыл шаруашылығы секторында 8 ірі жобаны іске асырып,  200-ге жуық жұмыс орнын құру жоспарлануда. Мемлекеттен колдау көрсетілгенімен ауылшаруашылығында күрмеулі мәселе әлі көп. Сондықтан, осы жылы өңірдегі жылыжайлардың жалпы ауданын 7 гектарға, яғни 10% - ға дейін ұлғайту көзделіп отыр. Ол қосымша мың тоннадан астам өнім шығарылады деген сөз. Бүгінде облыс бойынша ауданы 32,5 га құрайтын 83 жылыжай бар, сонымен қатар Маңғыстау ауданында тағы 37 га агроаумақ құру жоспарлануда. Жер телімдері шаруа қожалықтарына бөлінді, ендігі кезекте Маңғыстау ауданы әкімдігі  инфрақұрылым тартатын болады. Нәтижесінде, ашық алқапқа себілген егіннен 600-700 тонна ауыл шаруашылығы өнімдерін алу жоспарланып отыр. Қосымша  20-дан астам тұрақты жұмыс орны құрылады деп күтілуде.

С.Трұмов аудан әкімдеріне ауыл шаруашылығын дамытуға барынша көңіл бөлу керектігін тапсырды. Ол үшін алдымен инфрақұрылымға қатысты барлық мәселелерді мұқият пысықтап, жоспарлаудың қажеттігін айтты.

Маңғыстау облысы әкімінің баспасөз қызметі

• 22.02.2021
• 231