Мемлекет басшысы Қасым-Жомарт Тоқаев жұмыс сапарымен Жетісу облысына барды.

Сонымен қатар, Мемлекет басшысы «Жетісу» волейбол клубының қызметімен танысты. 
Қасым-Жомарт Тоқаев «Жетісу» волейбол клубының оқу-жаттығу спорт кешенін қарап шықты. 
Үш қабатты негізгі ғимарат волейбол бойынша оқу-жаттығуларды өткізуге және дене шынықтыру-сауықтыру шараларын жүргізуге арналған. 
Жаттықтырулармен және спортшылармен әңгіме барысында Мемлекет басшысы команданың жетістіктерін жоғары бағалады. 
Ол бұрын волейболшылардың жаттығу үшін Алматы қаласына баруға мәжбүр болғанын, ал қазір облыста олардың барлық қажетті жағдайлары жасалғанын атап өтті. Қасым-Жомарт Тоқаев волейболшыларға халықаралық аренада лайықты нәтижелер көрсетіп, алдағы жарыстарда жеңіске жетуді тіледі. 
Команда мүшелері Қазақстан Президентіне спортшылар мен жаттығу процестері үшін қолайлы жағдай жасалғаны үшін алғыс білдірді. 

• 17.12.2024
• 55