Қаржы министрлігінің елімізге қайтарылған активтерге байланысты жүргізіліп жатқан жұмыстары туралы хабардар етуді жалғастырамын.

 Қазақстанға қайтарылған мүлік, мысал ретінде айтсақ, автокөліктер, яхталар мен жылжымайтын мүлік үнемі бақылауды әрі басқаруды қажет етеді. Тарқатып айтсам, басқару дегеніміз жылжымалы немесе жылжымайтын мүлік нысанын жалға беру, сатуға дайындау, оның жұмысын қамтамасыз етуді (салықтарды, коммуналды төлемдерді, күтіп-ұстауға, күзетуге арналған шығыстарды төлеу) білдіреді.

Компанияның қызметі мемлекет пен қоғамның мүддесіне сай қайтарылған активтерді басқарудың ашықтығы мен тиімділігін арттырып, барынша пайдалы етуге бағытталған.

Қайтарылған активтерді басқарудан түскен барлық қаражат Арнаулы мемлекеттік қорға (АМҚ) аударылады.

2024 жылдың 13 желтоқсанындағы жағдай бойынша АМҚ-ға 13 млрд теңге аударылды. Оның ішінде:

Активтерді сатудан 12,6 млрд теңге түскен;

қалған ақша жалға беру, дивидендтер мен сенімгерлік басқаруға беруден жиналған.

Компания заңсыз жылыстатылған активтерді мемлекеттің мүддесі үшін тиімді пайдалану бағытындағы жұмысты жалғастырып жатыр.

• 18.12.2024
• 10