ҚР Қаржы министрлігі еліміздің өткізу пункттерінде цифрлы сервистерді жүйелі түрде енгізіп келеді. Бұл орайда Қазақстан Үкіметі транзиттік әлеуетті дамыту мен көршілес елдермен тауар айналымын ұлғайту мақсатында Қытай Халық Республикасымен, Өзбекстан Республикасымен және Түрікменстан Республикасымен шекарадағы өткізу пункттерін толыққанды жаңғыртуды қолға алғанын айта кетейік.

Жаңғырту жұмыстарына сәйкес ескі инфрақұрылымның орнына заман талабына сай жаңа өткізу пункттерін салу көзделген.

Мұнымен қатар кедендік бекеттерді бақылауды цифрландырып, орталықтандыру бағытында Астанада орналасатын Бас диспетчерлік басқарманы құру бойынша жұмыс жүргізіліп жатыр. Онда салалық бақылау қызметтері, оның ішінде шекара қызметі өз міндеттерін атқаратын болады.

Мысалы, қазір жаңа «Кеден» ақпараттық жүйесі әзірлеу сатысында тұр. Бұл отандық кеден саласындағы тың цифрлы шешім. Осы арқылы қолданыстағы «АСТАНА-1», «Экспорт-импорт операциялар жөніндегі бірыңғай терезе», «КААЖ-2», және «ЖБО» жүйелері алмастырылатын болады.

• 18.12.2024
• 61