ІІМ Алматы академиясы базасында жаңа арнайы факультеттер

2020 жылы өткен ІІМ кеңейтілген мәжілісінде еліміздің Президенті Қ. Тоқаев «жоғары деңгейдегі даярлықтан өткен өз ісіне берілген адамдар ғана полицияда қызмет атқаруы керек"-деп атап көрсеткен болатын.

Заманауи қоғам полиция қызметкерлерінен білімділікті, құқық қорғау қызметінде өз білімін қолдана білу машығы бар біліктілікті, жоғары мәдениеттілікті қажет ететіндіктен, ішкі істер органдарына кадрларды даярлаудың қолданыстағы жүйесі қайта қарауды талап етеді.

Сондықтан ішкі істер органдарын жетілдіруге қатысты Жол картасының тоғыз бағытының үшінші саласы кадрларды іріктеу және даярлау, ведомстволық білімді жетілдіру болуы кездейсоқ емес.

Ведомстволық білімді дамытуға басты назарды аудара отырып, біз жаңа форматтағы кадрларды даярлаудың іргетасын қалаймыз.

ҚР ІІМ М. Есболатов атындағы Алматы Академиясының жеке құрамымен кездесуімнің негізгі тақырыбы осы мәселелер болды. Академияға сапар менің тапсырмам бойынша екі жаңа факультеттің ашылуына: «1- басшылық құрамды даярлау факультеті», «2 – орта басшы құрамды даярлау факультеті» орайластырылды. Алматы Академиясы қызметінің басым бағыты болып заманауи талаптарға сәйкес келетін, жоғары кәсіби деңгейі бар қызметкерлерді даярлау болып табылады. Басшылық құрамның барлық лауазымдарына полиция басқармасының басшылары, олардың орынбасарларынан бастап аймақтық полиция департаменттерінің басшыларына дейін, сондай-ақ президенттік кадрлық резервке кандидаттарды енгізу аталған факультеттерде оқытудан және біліктілікті арттырудан өткеннен кейін ғана тағайындала алады.

• 22.02.2021
• 325