Елібаев М.Т.
«Қазақстанның Даму Банкі» АҚ Басқарма төрағасы
Sustainable Fitch ҚДБ-ның ESG-рейтингін «2» деңгейіне дейін көтерді
Sustainable Fitch рейтингтік агенттігі (бұдан әрі – агенттік) «Қазақстанның Даму Банкі» АҚ ESG-рейтингін «3» деңгейінен «2» деңгейіне дейін көтерді. Бұған дейінгі көрсеткіш 100-ден 60 балл болса, ендігі кезекте 64 балға дейін жоғарылады. Бұл Банктің, оның қарыз алушыларының қызметіне ESG қағидаттарын енгізу және тұрақты қаржыландыруды дамыту жөніндегі тиімді жұмыстың көрсеткіші.
2024-2033 жылдарға арналған ұзақ мерзімді стратегияға сәйкес ҚДБ Банктің ел экономикасына қосқан үлесін ұлғайтуға, активтерді тиімді басқаруға және тұрақты дамуға ерекше назар аударады. ESG-рейтингінің жоғарылауы Банктің тұрақты даму, басқарудың ашықтығы және әлеуметтік жауапкершілік қағидаттарына сәйкес екендігін сипаттайды.
Агенттік Банктің қызметі кредиттік және лизингтік қоржынында «жасыл» және әлеуметтік жобалардың едәуір үлесі белгіленген Қазақстанның әлеуметтік-экономикалық дамуына оң әсер ететінін атап көрсетеді.
Айта кетерлігі, ҚДБ тұрақты жобаларды жүзеге асыру үшін «жасыл» және тұрақты облигацияларды нәтижелі шығарып, UN Global Compact, Green Investment Principles және Global Capacity Building Coalition сияқты бірқатар халықаралық бастамаға қосылды.
ESG-рейтингінің жоғарылауына GRI, SASB, IFRS S1, S2 халықаралық стандарттарына, сондай-ақ ҚНРДА және KASE Ұлттық талаптарына сәйкес ESG ақпаратын ашуды жақсарту әрі оны жылдық есеп шеңберінде верификациялауды жүргізу айтарлықтай әсер етті. Шығарындылар мен ресурстарды тұтынуды азайту, сондай-ақ Банктің көміртегі ізі мен қаржыландырылатын шығарындылар туралы мәліметтерді ашу бойынша ESG-дің белгіленген мақсаттары оң үлес қосты.
Агенттік ҚДБ-ның корпоративтік басқаруын жоғары бағалап, процестердің ашықтығы мен тиімділігін, соның ішінде директорлар кеңесінде тәуелсіз директорлардың болуын, сонымен бірге аудит жөніндегі комитет пен ішкі аудит қызметінің жұмысын атап өтті. Sustainable Fitch Банктің әлеуметтік көрсеткіштеріне де ерекше назар аударды. Олардың қатарында, қызметкерлер мен басшылық құрамындағы гендерлік теңдік пен инклюзивтіліктің жақсы деңгейі, қайырымдылық пен демеушілік жобаларға қатысу, сатып алулардағы жергілікті жеткізушілердің үлесін ұлғайту, сондай-ақ клиенттердің арасында қанағаттанушылық деңгейін бағалау үшін тоқсан сайын жүргізілетін әрі нәтижелері сайтта жарияланатын сауалнамалар бар.
Sustainable Fitch жаңалығына сілтеме:
- 20.12.2024
- 27
