Сыбайлас жемқорлыққа қарсы іс-қимыл – мемлекеттік саясаттағы басты міндеттердің бірі

Сыбайлас жемқорлыққа қарсы ұлттық қозғалыс ҚР Қаржы министрлігінің барлық ішкі процесінде қамтылған. Осы бастаманың шеңберінде барлық құрылымдық бөлімше мен ведомстволық бағынышты ұйымдарда мемлекеттік органдар әрі қоғам өкілдерін тарту арқылы сыбайлас жемқорлықтың сын-қатерін талдау, сондай-ақ біліктілікті арттыру аясында оған қарсы оқыту жүргізіліп келеді.

Сондай-ақ Қаржы министрлігінің барлық қызметкері 2024 жылы тиісті сертификаттарды алып, сыбайлас жемқорлыққа қарсы қосымша онлайн-курстан өтті.

Аталған бағыттағы тағы бір тиімді құрал – бақылау жүргізу. Бүкіл әлемде шенеуніктердің іс-әрекеттерін қадағалау мемлекеттік құрылымдардың беделін нығайтып, басқару жүйесіндегі әділдік пен ашықтықты қамтамасыз ету арқылы мемлекеттік аппараттың таза жұмыс істеуін сақтауға көмектеседі.

Қазір ведомство сыбайлас жемқорлыққа қатысты құқық бұзушылық фактілеріне түрлі мониторинг өткізіп келеді. Қызметкерлердің қызметін жіті қадағалау сын-қатерді ерте анықтап, мемлекетке, қоғамға зиян келтірудің жолын кеседі.

Мониторинг мемлекеттік құрылымдардың қатаң бақыланатынын және заңға қайшы әрекет үшін кез келген тұлға жауапқа тартылатынын байқатады. Бұл азаматтардың сенімін нығайтады. Мысалы, бұрын сыбайлас жемқорлық құқық бұзушылық жасаған адамдарды жұмысқа қабылдау фактілерін қадағалау мұндай қылмыстардың қайталану мүмкіндігін азайтады. Өйткені бұл тәсіл олардың жүйеге оралу қаупін сейілтеді.

Мүдделер қақтығысы немесе жақын туыстармен бір қызметте жұмыс істеудің алдын алу сияқты сыбайлас жемқорлыққа қарсы шектеулердің сақталуын бақылау жеке қарым-қатынастың немесе өз пайдаңа әсер ететін шешімдерді болдырмауға көмектеседі.

• 20.12.2024
• 67