Технологияның сыбайлас жемқорлыққа қарсы күресте артықшылығы көп

Министрліктің сыбайлас жемқорлыққа қарсы іс-қимыл бағытындағы жұмысы әрбір қызметкердің күнделікті қызметіндегі ажырамас міндетіне айналып, стратегиялық жоспарларға сәйкес күнделікті негізде жүргізіліп келеді.

Бүгінде Қаржы министрлігі көрсететін мемлекеттік қызметтердің 92% автоматтандырылған және қызметтің барлық бағытын қамтиды. Мысалы, республикалық бюджетті қалыптастыру тиісті өтінімдер берілген сәттен бастап бюджет бекітілгенге дейін «Мемлекеттік жоспарлау» АЖ арқылы жүзеге асырылады. Бұдан басқа бюджеттің атқарылуы мен қазынашылық сүйемелдеу автоматтандырылған. Сондай-ақ электронды ішкі мемлекеттік аудит енгізілді. Мемлекеттік мүлікті бақылау «Мемлекеттік мүлік тізілімі» веб-порталының көмегімен жүзеге асырылады. Салық әрі кедендік әкімшілендіру ісінде контрагенттер арасындағы мәмілелердің ашықтығын қамтамасыз ететін тауарларды қадағалау жүйесі құрылды.

2019 жылы енгізілген «АСТАНА-1» АЖ кеден декларацияларының 80% астамын 1 минутта автоматты режімде шығаруға мүмкіндік берді.

Қазір кеден декларациялары 100% қашықтан беріледі.

Ал «Электронды шот-фактуралар» жүйесі контрагенттер арасындағы мәмілелерді онлайн режімде бақылауға мүмкіндік беріп, бюджетке түсетін түсімдердің өсуін қамтамасыз етуге жол ашты.

Үлкен деректерді талдау мен машиналық оқыту мүмкіндігі бар интеллектуалды талдау құралдары негізіндегі Тәуекелдерді басқару жүйесін қолдану кеңейтілді.

Ұсынылған деректерді автоматты бақылау бөлігінде 17 ақпараттық жүйені біріктірген «Экспорт-импорт операциялар жөніндегі бірыңғай терезенің» қызметі ретке келтіріліп, сондай-ақ жалған құжаттар мен қызмет көрсетушінің өтініш берушімен байланысы жойылды.

Бұл ретте 2021 жылдан бастап Қазақстан Республикасында төрт кезеңнен тұратын жалпыға бірдей декларациялау енгізілгенін естеріңізге сала кетейік. Декларациялау рәсімі, яғни оны тапсыру түрі барынша жеңілдетілді.

Қазір декларацияны тапсырудың түрлі жолдары бар: салық төлеушінің кабинеті (cabinet.salyk.kz), веб-портал (Moldir.qoldau.kz), «Электрондық үкімет» порталы (egov.kz) мен Е-Salyq Azamat, eGov mobile сонымен қатар Halyk, Bcc.kz («ЦентрКредит банкі») және Каspi.kz сынды ЕДБ мобильді қосымшалары қарастырылған.

• 20.12.2024
• 70