Желтоқсан айының басында Қазақстан-Қытай шекарасында «Бақты-Покиту» өткізу пунктінде уақытша жолаушылар өткелі ашылған болатын. Оның ашылуы екі мемлекеттің өңірлері арасында мәдени-гуманитарлық, сондай-ақ сауда-экономикалық байланыстарды жақсартуға бағытталғанын айта кеткен орынды.

Іс-шараның аясында 2025 жылы «Бақты-Покиту» өткізу пунктін толық ашу перспективалары талқыланды. Келіссөздер барысында Қазақстан-Қытай шекарасында үшінші теміржол өткелін салу туралы да айтылды.

Бұдан бөлек тараптар кедендік рәсімдеуді ұдайы жетілдіру мен аталған пункт арқылы көліктерді өткізу қабілетін арттыру туралы уағдаласты. Осы іс-шара екіжақты қатынастарды одан әрі дамытып, Қазақстан-Қытай ынтымақтастығын жан-жақты бағытта нығайту жолындағы маңызды қадам болды.

• 20.12.2024
• 62