Бюджеттің ликвидтігін басқару

Қазынашылық ҚР Қаржы министрлігінің құрамына кіретін қызмет. Бұл құрылым республикалық бюджеттің орындалуын қамтамасыз етіп, оның атқарылуына кассалық қызмет көрсетуге жауапты. Бұдан басқа осы саланың өкілдері жасалған төлем мен өзге де құжаттардың сәйкестігін бақылайды. Мұндай тәсіл республикалық бюджеттің қаражатын сақтауда анағұрлым тиімді.

Мәселен, республикалық бюджетті атқару қорытындысы бойынша 2024 жылдың 9 айында түсімдер 18 756,8 млрд теңгеге немесе жоспарға сайкес 91,7% жеткен. Салық түсімдері 8 147,8 млрд теңгеге немесе жоспарға 75,6% ұлғайған.

Шығыстарға байланысты төлемдерді қаржыландыру жоспары 18 815,8 млрд теңгеге немесе жоспарға 96% орындалды. Былтырғы кезеңмен салыстырғанда шығыстар 4,4% немесе 785,1 млрд теңгеге артқан.

Жыл басынан бері күнделікті түрде операциялық күн теңгемен және Қазынашылықтың интеграцияланған ақпараттық жүйесінде (ҚИАЖ) валютамен жабылып отырды.

Бұл ретте ведомствоның жұмысы үнемі жетілдіріліп отыратынын айта кеткен орынды. Мәселен, биыл республикалық бюджетке түсетін түсімдердің мерзімдеріне сәйкес төлемдердің уақтылы жүргізілуін қамтамасыз ету мақсатында ай сайын есепті кезеңдегі РБ-тің орындалуы бойынша болжамы жасалып, одан күтіліп отырған және нақты атқарылуының күнделікті мониторингі жасалып келді.

Республикалық бюджет пен шығыстарды қаржыландыру үшін ҚР Ұлттық қорынан РБ-тің кірісіне кепілдендірілген трансферт есебінен толық бір жылға шақталған 2 000,0 млрд теңге сомасында кепілдендірілген трансферт тартылды. Былтырғы кезеңмен салыстырғанда бұл көрсеткіш 215 млрд теңгеге немесе 12% көп.

Қазақстан Республикасының Президенті айқындаған мақсаттарға республикалық бюджетке Ұлттық қордан 2 019 млрд теңге сомасында нысаналы трансферт тартылды.

• 25.12.2024
• 29