Мемлекет басшысы Қасым-Жомарт Тоқаев «Әділетті мемлекет. Біртұтас ұлт. Берекелі қоғам» Қазақстан халқына Жолдауында «Ұлттық қор – балаларға» бастамасын көтерген болатын. Бұл бағдарламаға сәйкес Ұлттық қордың жыл сайынғы инвестициялық табысының 50% балалардың арнайы жинақтау шоттарына аудару көзделген.

Аталған қаражат тұрғын үй жағдайын жақсартуға немесе білім алуға жұмсалуы мүмкін.

Биыл осы бағдарлама бойынша 6,9 млн қазақстандықтың шотына 695,5 млн доллар  (жан басына шаққанда 100 доллардан сәл артық) аударылды. Қазірдің өзінде 18 жасқа толған шамамен 304,8 мыңнан астам адам ақшаны пайдалана алады (бұл жалпы 30,6 млн доллар).

Бірінші желтоқсанда 51,5 мыңға жуық өтінім беріліп, оның ішінде жалпы сомасы 4,1 млн доллардан астам сомаға 42 мыңға жуық өтінім орындалды. Соның 2,2 млн доллар көлеміндегі ақша тұрғын үй жағдайын жақсартуға жұмсалды (опцияны 22,6 мың адам пайдаланды), ал 1,9 млн доллар (шамамен 20 мыңға жуық қазақстандық) білім беруге инвестицияланды.

• 26.12.2024
• 62