Төлем жүйесі

Қазақстан Республикасының Қаржы министрлігі бірыңғай қаржылық, бюджеттік, кедендік және салық саясатын іске асыруға жауапты орган. Бұдан бөлек ҚМ қаржы ресурстарын әлеуметтік-экономикалық дамудың түрлі бағыттарына аударады, сондай-ақ ҚР бюджет жобасын әзірлеп, оның орындалуын қамтамасыз етеді. Бұл жұмыспен министрліктің қарамағындағы Қазынашылық комитет айналысады. Мысалы, аталған орган республикалық бюджеттің атқарылуы мен жергілікті бюджеттердің орындалуына қызмет көрсету, ҚР Ұлттық қоры және т.б. салаларда іске асыру мен бақылау функцияларын жүзеге асырып келеді.

Жұмыс жоспарына сәйкес комитет ҚР Ұлттық банкінің Ұлттық төлем корпорациясының (ҰТК) төлем жүйесі арқылы мемлекеттік ұйымдардан, квазимемлекеттік сектор субъектілерінен, бас мердігерлер мен қосалқы мердігерлерден барлық төлем құжатын уақтылы және толық жүргізуді қамтамасыз ететінін атап өткен жөн.

Айталық, 2024 жылдың 9 айында қазынашылық органдары жүргізген төлем шоттары мен төлем тапсырмаларының жалпы саны 4,9 млн құжатқа жетіп, оның 851 517 мыңы (17%) ішкі төлемдер болып саналады. Бұл ретте 2023 жылы 10,3 млн құжаттың ішінде 1 млн (11,3%) ішкі төлемдер болғанын айта кетейік.

Биылғы 9 айдағы түсімдерге тоқталсақ, ведомство Ұлттық банктің төлем жүйесі мен төлем жүйесінің басқа пайдаланушыларынан келіп түскен 19,8 млн төлемді қабылдап, өңдеген.

• 27.12.2024
• 25