Бұқар жырау ауданында жаңа дене шынықтыру-сауықтыру кешені мен мектеп ашылды

Облыста спорт пен білім беруді дамытуға баса назар аудара отырып, Президенттің бастамалары бойынша жұмысты жалғастырып жатырмыз. Бұқар жырау ауданында жаңа дене шынықтыру-сауықтыру кешені мен мектеп ашылды.  

Спорт кешені Ғабиден Мұстафин атындағы ауылда «Ауыл – Ел бесігі» бағдарламасы бойынша салынды. Осыған дейін тұрғындар бірнеше рет спорт нысанын салу туралы өтініш жасаған еді. Спорт кешенінде залдар, жекпе-жек секциялары, тренажерлар, сонымен қатар үйірмелер мен акт залы, шығармашылық аймақтар бар. Бұл биыл облыста ашылған төртінші кешен.  

Сондай-ақ Атамекен ауылында 150 орындық мектеп жұмыс істей бастады. Ол осыған дейін  апатты жағдайда болған мектептің орнына салынды. Білім ордасында балаларға жайлы жағдайлар жасалған. Жалпы алғанда, биыл облыста барлығы алты жаңа мектеп салынды. Олардың төртеуі «Жайлы мектеп» ұлттық жобасы бойынша бой көтерді. 

Аймақ тұрғындары үшін спортпен шұғылдану, оқу және шығармашылықпен айналысу үшін қажетті жағдайларды жасайтын боламыз.

• 30.12.2024
• 80