Алматыда жатақханаға басқа орын таңдалады

Есеп беру кездесуінде Әуезов ауданының тұрғындары «Алтын бесік» ықшамауданындағы жатақхананың құрылысын қайта қарауды өтінді. Аталған жерге барып, Алматы технологиялық университетінің студенттеріне арналған жатақхана ғимаратына жер телімін беру туралы қаулының күшін жою туралы шешім қабылдадым. Жуырда студенттік үй үшін басқа қолайлы жер қарастырамыз.

Бүгін тұрғындармен кездесіп, бұл жерде 120 орынды балабақша, спорт және воркаут алаңдарын саламыз деген ортақ шешімге келдік. Ата-аналар балаларға арналған қосымша оқыту мен дамыту орталықтарын құру қажеттігін айтты. Бұл ретте «Шыңға Өрлеу» әлеуметтік клубтарының тәжірибесі негізінде тегін үйірмелер мен спорт секцияларын ашамыз.

Сондай-ақ, жақын маңдағы бос жатқан учаскелерді қарап, абаттандырылған жасыл қоғамдық кеңістіктер құрамыз.

• 23.02.2021
• 72