Блоктық бюджет бойынша

Мемлекет басшысының тапсырмасын орындау үшін (Мемлекет басшысының 2023 жылғы 1 қыркүйектегі Қазақстан халқына Жолдауы) бірнеше министрліктер мен өңірлер шеңберінде блоктық бюджет пилотын енгізуде Қаржы министрлігі Ұлттық экономика министрлігімен бірлесіп, блоктық бюджеттеу жөніндегі пилоттық жобаны енгізу бөлігінде түзетулер әзірленіп, Бюджет кодексіне енгізілді.
Қаржы министрлігі пилотты блоктық бюджет бойынша іске асыру тәртібін әзірледі.
Пилотты іске асыру мерзімі 2025 жылғы 1 қаңтардан 2027 жылғы 31 желтоқсанға дейін.
Жалпы блоктық бюджеттеудің негізгі артықшылығы:
үш жылдық кезеңге арналған шығыстардың тұрақты лимиттерін қамтамасыз ету;
құжаттар мен жоспарлау процедураларын оңтайландыру;
бюджеттік бағдарламаларды ірілендіру: бір мақсат-бір бюджеттік бағдарлама;
бюджет қаражатын бюджеттік бағдарламалар арасында дербес қайта бөлу мүмкіндігі;
шығыстар көлемін аванстау және ауыстыру мүмкіндігі (үш жылдық кезеңге арналған шығыстардың жалпы көлемінің 10 пайызына дейін (бюджетті қалыптастыру және нақтылау шеңберінде));
есепті қаржы жылы қаражатының қалдықтарын пайдалану мүмкіндігі (келесі қаржы жылында 5%-ға дейін, есепті қаржы жылы қаражатының қалдықтары 5%- ға дейін игерілмеген болып табылмайды).
Бұл жаңашылдық мемлекеттік органға бюджет қаражатын басқаруда икемділік береді, қойылған міндеттерді шешуде жеделдікті қамтамасыз етуге арналған, бұл тұтастай алғанда бюджетті артық бюрократиясыз және әуре-сарсаңсыз неғұрлым сапалы орындауға мүмкіндік береді.
Республикалық деңгейде пилот қатысушыларының бюджеттік бағдарламаларының әкімшілерін айқындау бөлігінде біз Су ресурстары және ирригация министрлігі мен Туризм және спорт министрлігін енгіздік.
Таңдау, осы мемлекеттік органдар бөлінген бюджет қаражатын жергілікті бюджеттерге бағыттамай, дербес басқаратындығына байланысты.
Жергілікті бюджет деңгейінде пилотқа Батыс Қазақстан және Қарағанды облыстары енгізілді.
Аталған облыстардың мемлекеттік мекемелердегі бюджеттік процесстер цифрландырылған, жергілікті жерлерде мамандардың біліктілігі салыстырмалы түрде жоғары және қаржылық тәртіптің жақсы деңгейіне ие.
2025 жылғы пилоттық жобаны іске асыру қорытындылары оны одан әрі масштабтау мүмкіндігін көрсетеді.

• 31.12.2024
• 88