«Қазақмыс» корпорациясының басшылығымен 2020 жылы жергілікті қамтуды дамыту және осы жылға арналған жоспарларды талқыладық

Сатып алулардағы жергілікті мазмұнның артуына қарамастан, импорттың үлесі әлі де айтарлықтай үлкен. Өткен жылы корпорацияның тауарларды сатып алудың жалпы сомасы 121,9 млрд теңгені құрады, мұндағы қазақстандық үлес 46,5%. Оның ішінде қарағандылық өндірушілерден 12,3 млрд теңгеге шикізаттық емес тауарлар сатып алынды.

Бұл ретте өнімдердің белгілі бір түрлері бойынша импортты алмастыруға мүмкіндік бар. Мысалы, қарағандылық жарықдиодты шамдарды өндірушілермен тығыз ынтымақтастық орнатып, өнімдерді солардан алу және дәнекерлеу электродтарын Қарағандыдағы зауыттан сатып алу ұсынылды.

Жалпы корпорацияға жергілікті өндірушілердің әлеуетін барынша пайдалану ұсынылды. Бұл ретте сатып алуды өткізудің ашықтығын қамтамасыз ету қажет.

Ол үшін «Қазақмыс» корпорациясымен бірлесіп меморандум жобасына енгізілетін тауар өндірушілердің тізбесі пысықталды. Жақын арада оған қол қою жоспарлануда.

• 23.02.2021
• 334