Ішкі істер министрі Алматыда Тәлімгерлер кеңесімен кездесті

Қазақстан Республикасының Ішкі істер министрі Ержан Саденов Алматы қаласына жұмыс сапары аясында 2023 жылы ІІМ бастамасымен құрылған Тәлімгерлер кеңесінің мүшелерімен кездесу өткізді.

Министрдің айтуынша, бұл бастама республика көлемінде кеңінен қолдау тауып, бүгінде еліміздің әр өңірінде 65 тәлімгерлік кеңес табысты жұмыс істеуде. Өткен жылы ғана аудандық кеңестердің 821 отырысы өткізіліп, ішкі істер органдарының қызметін жетілдіру, тәртіп пен заңдылықты қамтамасыз ету мәселелері жан-жақты талқыланған. – 2023 жыл кадр ресурстарын жақсарту жылы болып жарияланған еді. Осыған орай, ІІМ басшылығы ардагерлерді жеке құраммен тәрбие жұмысына белсенді тарту міндетін алға қойды. Бүгінде Алматы қаласында ІІМ-нің құрметті қызметкерлері саналатын 13 ардагер полиция департаментінің барлық қызметтері мен бөлімшелерінің кураторлары ретінде бекітілген, – деді Ержан Саденов.

Министр Тәлімгерлер кеңесінің қызметіне жоғары баға бере отырып, ардагерлердің жас қызметкерлерге адамгершілік, патриоттық және кәсібилік бағытындағы тәрбие берудегі 

• 16.01.2025
• 60