Аймақ басшысы Даниал Ахметовтің Қазақстан Республикасының Тұңғыш Президенті күнімен құттықтауы

Құрметті шығысқазақстандықтар!

Баршаңызды Қазақстан Республикасының Тұңғыш Президенті күнімен шын жүректен құттықтаймын!

Бұл мереке – Тәуелсіз Қазақстан мемлекетінің негізін қалаушы Нұрсұлтан Әбішұлы Назарбаевқа деген халықтың жоғары құрметі мен риясыз алғысын айқындайтын күн.

Егемен ел болған күннен бастап, қарыштап жаңаруға бастаған Елбасы сан ғасырлы бабалар арманын орындады. Бүгінде кемеңгер басшысының кемел саясатының арқасында Қазақстан Орталық Азия кеңістігінде көш бастаған, беделі биік, бірлігі бекем, дамуы тұрақты, экономикасы қуатты мемлекетке айналды. Тұңғыш Президент негізін қалаған тұрақтылықтың қазақстандық жолы бүгінде әлем тыныштығының тілекшісі тұғырын алды.

Қадірменді жерлестер! Осындай айтулы мерекемен құттықтай отырып, әр шаңыраққа амандық пен береке, ынтымақ пен ырыс тілеймін!

Мемлекетіміздің беделі артып, татулығы жараса берсін!

Даниал Ахметов,

Шығыс Қазақстан облысының әкімі

• 29.11.2019
• 465