Таяуда ҚР Ұлттық экономика вице-министрі Азамат Амринмен бірге бизнес өкілдерінің қатысуымен салық реформасы аясында ҚҚС дифференцияланған (сараланған) мөлшерлемелерін белгілеу жөніндегі Үкіметтің ұсынысын талқыладық

ҚҚС-ның дифференцияланған (сараланған) мөлшерлемесі (қосылған құн салығы) – тауарлар мен қызметтердің алуан түрлі санаттарына қолданылатын әртүрлі салық мөлшерлемелернің жүйесі. Әлеуметтік әділдік пен экономикалық тиімділік тұрғысынан қарағанда, мұндай тәсілдің бірқатар артықшылығы бар.

Мысалы, ауыл шаруашылығына қолдау көрсетуді алсақ. Атап айтқанда, мынадай тетікті қарастыру ұсынылып отыр: ҚҚС жалпы белгіленген мөлшерлемесін 16% шамасында айқындау, ауылшаруашылық өнім өндірушілерін ҚҚС-нан толық босату, ал бірқатар салаға 10% мөлшерінде аралық мөлшерлемені белгілеу. Осылайша, Үкімет ұсынған мөлшерлемелердің сараланған деңгейі: 16%, 10%, 0% және одан босатуды көздейді.

Бұған қоса аталған амал күнделікті қолданылатын аса маңызды тауарлар мен қызметтерге салық салмауға мүмкіндік береді. Ал төмендетілген ҚҚС мөлшерлемелері ауыл шаруашылығы, білім беру, денсаулық сақтау немесе туризм сияқты белгілі бір салалардың дамуын ынталандыру үшін қолданылуы мүмкін.

Осы салық реформасын іске асыру арқылы еліміздің бюджетіне түсетін салық түсімдері жыл сайын 4-5 трлн теңгеге ұлғаяды деп болжанған.

• 13.02.2025
• 63