Қосымбаев Т.Е.
ҚР ҰЭМ Табиғи монополияларды реттеу комитетінің төрағасы
Қазақстанда энергетикалық және коммуналдық желілерді ауқымды жаңғырту басталады
Бүгін, 2025 жылғы 24 қаңтарда Үкіметте Қанат Бозымбаевтың төрағалығымен «Энергетикалық және коммуналдық секторларды жаңғырту» Ұлттық жобасын іске асыру тақырыбында брифинг өтті. Іс-шараға Экономика, энергетика, өнеркәсіп және құрылыс, әлеуметтік қорғау вице-министрлері, сондай-ақ Табиғи монополияларды реттеу комитетінің басшысы Асан Дарбаев қатысты.
Қазіргі уақытта ұлттық жоба шеңберінде 200 — ден астам табиғи монополиялар субъектілері қамтылған, олардың 70% - мемлекеттік компаниялар, ал 30% - жеке компаниялар құрайды. Олардың барлығы мемлекеттік аймақтарды дамыту бағдарламасы аясында қала түріне қарай төрт санатқа бөлінеді және 57 қаланы қамтиды. Осы бастамалардың ықпал ету саласына жататын халықтың жалпы саны 12-13 млн адамды құрайды, бұл елдің жалпы халқының шамамен 60-65% құрайды.
«Инфрақұрылымды жаңғырту шеңберінде біз желілердің тозу деңгейі жоғары 80-нен астам субъектіні, сондай-ақ орташа тозу деңгейі 50-ден астам субъектіні қамтитын басым жобаларға назар аударамыз. Бұл жобалар әр өңір үшін қаржыландырудың икемділігі мен қолжетімділігін қамтамасыз ете отырып, жеті түрлі тетік арқылы қаржыландырылатын болады», — деп Табиғи монополияларды реттеу комитетінің басшысы Асан Дарбаев атап өтті.
Жаңғырту бағдарламасы субъектілердің төрт деңгейін қамтиды:
- Бірінші және екінші деңгейлер - агломерациялардың ірі орталықтары: Астана, Алматы, Шымкент және Ақтөбе қалалары, сондай-ақ үлкен абоненттік базасы және қаржылық тұрақтылығының жоғары деңгейі бар 106 табиғи монополия субъектіслері жұмыс істейтін 16 облыс орталығы.
- Үшінші және төртінші деңгейлер - 108 субъект жұмыс істейтін моноқалалар мен шағын қалалар.
Жобаларды қаржыландыру үшін жеті тетік қарастырылған, олардың ішінде:
- Тікелей қаржыландыру (ҚДБ, ЕДБ, МҚҰ, КДҚ)
- Синдикатталған және бірлесіп қаржыландыру
- Облигациялар (Бәйтерек, ҚМК, ЖАО)
- Бюджеттік кредиттер
- Облигациялар (жеке сектор)
- Жеке монополистердің капиталына кіру
- Лизингтік қаржыландыру (КДҚ)
Әрбір кәсіпорын үшін қаржыландырудың жеке моделі таңдалады, бұл бүкіл ел бойынша энергетикалық және коммуналдық секторлардың инфрақұрылымын жаңғырту және жақсарту міндеттерін тиімді шешуге мүмкіндік береді.
Инфрақұрылымды жаңғырту апаттылықты едәуір төмендетуге, коммуналдық қызметтердің сапасын жақсартуға және өңірлердегі энергетикалық жүйелердің тұрақтылығын арттыруға мүмкіндік береді.
- 17.02.2025
- 59
