Мұнай-газ-химиясын дамыту – Қазақстан үшін басым бағыт: жаңа зауыт салу жоспарлануда

2024 жылдың қорытындысы бойынша Қазақстанда 540 мың тонна мұнай-газ-химия өнімі өндірілді, ал 2025 жылы бұл көрсеткішті 550 мың тоннаға дейін арттыру жоспарланып отыр.

2024 жылдың қазан айында Энергетика министрлігі мұнай-газ-химиясы өнеркәсібін дамытудың 2024 – 2030 жылдарға арналған Жол картасын әзірлеп бекітті. Жол картасы шеңберінде ірі жобаларды іске асыру, инфрақұрылым салу және саланы ынталандыру шараларын пысықтау жоспарланып отыр.

2024 жылғы желтоқсанда мұнай-газ-химия саласына метанол өндіру бойынша инвестициялар туралы алғашқы келісімнің жасалуы мақұлданды.

Энергетика министрі Алмасадам Сәтқалиев хабарлағандай, негізгі жобалардың бірі Атырау облысында полиэтилен өндіру зауытын құрылысы болады: «Жоспарда – Атырау облысында қуаты жылына 1 250 мың тонна полиэтилен өндіру зауытының құрылысын бастау».

Бұдан басқа, салада газ сепарациялық кешен жобасын қаржыландыру және нарықты контрафактілік өнімдерден қорғау үшін мотор майларын міндетті таңбалауды енгізу мәселелері пысықталып жатыр. Сондай-ақ «Мұнай-газ-химия өнеркәсібі туралы» мамандандырылған Заң әзірленіп жатыр.

• 26.02.2025
• 26